hi there

Hoi mitnand!!!!!!!

wie gehts so zuhause???
han ma denkt, es isch langsam an da zeit dass i euch allna mol a mail noch 1 1/2 moenat australien schrieb und kle verzell was i so tuan...

bis jetzt han i die halbe ostkueste vo brisbane bis abe ge melbourne gseha. (brisbane, surfers paradise, byron bay, port macquarie, coffs harbour, sydney!! und melbourne) han im 1. hostel 2 schweden an schwitzer, an englaender und spoeter denn an ire kennaglernt mit deana i eitnlich die meiste zit verbracht han. bin eintlich so guat wia immer in der naehe vom meer gsi,und mehr oder weniger urlaub am strand gmacht. des hoasst jeden lang, lang schlofa denn zum freuhstueck an koeriga-speck-und-eier-toast, dannoch simma alle meistens ge surfen (so guats halt ganga isch) oder einfach nur schwimma ganga - han im leba no nia so geile wella gseha!! am obad homma oft a gschmackigs BBQ ka und anschliessend sind alle an strand ganga und a feins lagerfueher
gmacht!
es hat fast jeden tag ueber 30 grad, wobei da sommer in australien eintlich scho vorbei isch. des strandleba isch jetzt aber bald vorbei - denn goths naemlich mol ins outback richtung alice springs und uluru (ayers rock) mol schaua ob der wirklich so toll isch, wia jeder moant. nochdem i des denn o gseha han, han i vor noch cairns und great barrier reef zum go. des soett jo o ganz a schoes plaetzle si. und zum abschluss bevor i zruck flueg, gang i moeglicherweise noch fuer 2 wocha ge neuseeland und oan tag singapur.

jup und momentan bin i in melbourne. war die letzta paar taeg ufm f1 grand prix.. haett aber net go soella, hat sich net wirklich rentiert. 169 dollar fuer des, dass jedes auto ca. 2 sekunda siasch. es einzig geile isch da sound vo da autos.. verdammt lut sind dia dinger.

vor 2 wocha war i i da blue mountains, wo i serste mol so an koala, a wallaby und a kaenguru gseha han. allerdings nur i so nam wildpark. des sind alles so schraege tierle. han o a fette schlang i da hand ka. geils gfuehl gsi.

sunsch uber australien allgemein gits viel zum verzella. obwohl koa beschreibung des usseht wias wirklich isch. ma muass einfach do si! sunsch ganz kurz: dia ozzies hond einfach koa eigene kultur. es isch meh so an mischmasch us chinesischer, japanischer, indischer, viel viel amerikanischer und natuerlich europaeischer kultur. wohrschinlich isch deso da grund, warum alles a kle lockerer und chilliga zuagoht. und des isch wirklich so. d'luet seal sind alle extrem nett und vor allem tourista gegenueber wahnsinnig hilfsbereit. uf mode und markasacha wird sauviel wert glegt, net nur bei jugendlicha, sondern in jeder altersklasse. und drum gits o uebrall hammergeile laeda, i deana ma koerig shoppen go kann, was minara geldtaescha i da letzta taeg in melbourne net so guat toa hat. aber was soells.

also wia ihr euch denka koennt, gohts ma ganz praechtig do in down under! wia hond ihr so? am jo i woass grad net was i meh schrieba soell.. jedenfalls freu i mi ueber jedes mail des i vo euch griag. i bin ma sicher es git a kle was zum verzella usm laendle. jup des wars eintlich mol vorerst. i meld mi denn irgendwenn wieder mol. bis dahin, schoene gruesse us melbourne und viel spass bim zivi, studiera, schaffa, was o immer!!!!!!

cheeers!!!!
beef